გაკვეთილის გეგმები

წელწადის დრონი-ინტეგრირებული გაკვეთილი

საკითხის სწავლების გეგმა

მასწავლებელი: თამარ დემურაშვილი
საგანი   მათემატიკა	კლასი:    მეორე
თემა:   დავუმატოთ ერთნიშნა რიცხვი	დრო: 45წთ
გაკვეთილის მიზნები/სწავლის შედეგები (ცოდნა, უნარ-ჩვევები, დამოკიდებულებები)
გაკვეთილის მიზანი: მოსწავლემ შეძლოს 100-ის ფარგლებში ორნიშნა რიცხვისა და ერთნიშნა რიცხვის შეკრება სხვადასხვა ხერხის გამოყენებით და მოახდინოს ამ ხერხის დემოსტრირება.
ეროვნული სასწავლო გეგმის სტანდარტი: მათ. II.2. მოსწავლეს შეუძლია ერთმანეთთან დააკავშიროს თვლა, რიცხვები, რიცხვით სახელებს შორის დამოკიდებულებები და შეკრება-გამოკლების მოქმედებები. ·         ანგარიშისას იყენებს ბიჯით თვლას, ან სხვა ხერხს (მაგალითად თანრიგების დაჯგუფება, მთლიანი ათეულით "გადახტომა"); ·                  ასრულებს  შეკრება-გამოკლებას 100-ის ფარგლებში და ახდენს გამოყენებული ხერხის დემონსტრირებას (მაგალითად, რიცხვით კიბეზე ან საგანთა გროვაზე).
მოსწავლეთა ორგანიზების ფორმები: მთელი კლასი, ,წყვილები. დაჯგუფების კრიტერიუმები: მოსწავლეები დაჯგუფდებიან ჰომოგენურ წყვილებში მზაობის მიხედვით,
გაკვეთილზე გამოყენებული ძირითადი მეთოდები და აქტივობები: კონსტრუქტივისტული მეთოდი (მათემატიკური მოდელირება, ზეპირი გამოთვლები, სკაფოლდინგი, თვალსაჩინოების საშუალებათა გამოყენება); განმავითარებელი შეფასება (კონსტრუქციული აღწერითი უკუკავშირი, შერჩეულ მოსწავლეებზე დაკვირვება და შედეგების აღრიცხვა დაკვირვების შედეგების ამსახველი მოკლე ჩანაწერების სახით,;  სწავლების დიფერენცირება მზაობის მიხედვით (განშრევება, , დიფერენცირების სტრატეგია - კონკრეტულიდან აბსტრაქტულისკენ, მარტივიდან რთულისკენ)

სასწავლო მასალა და რესურსები: (თაბახის ფურცლებზე ჩამოწერილი მაგალითები, აქტივობების ბარათები, თვალსაჩინოება,  მანიპულატივები და სხვ.): მოსწავლის სახელმძღვანელო, ცხრილი ფლიპჩარტის ფურცელზე,  მათემატიკური დავალების ბარათები  წყვილებში სამუშაოსთვის, “, სამანიპულაციო მოდელი „კედელი, სვეტი, კუბი“ „კუბები“,  სათვლელი ჩხირები, პლაკატი „რიცხვები1-დან 100-მდე“;  ბარათები წყვილებში (სამუშაოდ განაწილდება მზაობის დონის შესაბამისად სირთულის მიხედვით).

საჭირო წინარე ცოდნა და უნარჩვევები:     მრგვალი რიცხვების შეკრება-გამოკლება 20-ის ფარგლებში სხვადასხვა ხერხით;     ორნიშნა რიცხვები, მათი სახელწოდებები და ციფრული ჩანაწერები;    ათეულების ,ერთეულების დასახელება  ორნიშნა რიცხვებში.

საკითხის სწავლების მსვლელობა სამფაზიანი მოდელის მიხედვით

I წინასწარ (დრო 10 წთ) აქტივობების მიზანია  მოსწავლეებს გაუაქტიურდეთ წინარეცოდნა. ვაკვირდები მოსწავლეების პასუხებს და ვამოწმებ მათ მზაობას. გავაცნობ მოსწავლეებს  გაკვეთილის თემას და მიზანს, წარვუდგენ და განვუმარტავ შეფასების კრიტერიუმებს (იხ. ქვემოთ). აქტივობა 1. წარმართავ საშინაო დავალების შემოწმებას პირველი დავალების განხილვისას მოსწავლეები გაიხსენებენ როგორ უნდა შევკრიბოთ მრგვალი რიცხვები რიცხვითი ღერძის და კიბის გამოყენებით; ასევე  10-ის ბიჯით  დავალების შესამოწმებლად  დაფაზე გავაკრავ ფლიპჩარტზე გამზადებულ ცხრილს. ცხრილის შევსების წინ ვთხოვს კლასს:

2

დაასახელეთ შესაკრებები დაწერეთ  გამოსახულება დაფაზე, შეკრება და გამოკლება  შეასრულეთ ზეპირად,დაასახელეთ თანრიგები.

ამოცანის ამოხსნას ვწერთ დაფაზე,მოსწავლეები გადაამოწმებენ რვეულებში სწორად აქვთ თუ არა ამოცანა ამოხსნილი.

  მოსწავლეები, რომლებსაც უჭირთ ბოლო დავალების შესრულება და სჭირდებათ მასწავლებლის დახმარება, არასაკმარისი მზაობის მოსწავლეებია და მათ საშუალებას ვაძლევ დაიხმარონ თვალსაჩინოების საშუალებანი: სამანიპულაციო მოდელი  „კედელი, სვეტი და კუბი“,  სათვლელი ჩხირები და ა.შ.

II განმავლობაში (დრო 20 წთ)

აქტივობების მიზანია  მოსწავლეების მიერ მოხდეს ახალი ცოდნის აგება-გააზრება.

აქტივობა 2. კლასს დავყოფ ჰომოგენურ წყვილებად- არასაკმარისი მზაობის მოსწავლეთა ჯგუფი და საკმარისი მზაობის მოსწავლეთა წყვილებად, კლასს გავცნობ დავალებას - გავარკვიოთ,  როგორ შეიძლება შევკრიბოთ ორნიშნა და ერთნიშნა რიცხვები სხვადასხვა ხერხით,რას უნდა მივაქციოთ ასეთი შეკრების დროს ყურადღება.

როგორ შეიძლება,  შევასრულოთ შეკრება სხვანაირად?

აქტივობების ბარათები (დანართი____) დაურიგდებათ  მაღალი მზაობის    მოსწავლეთა წყვილებს.

აქტივობების ბარათი(დანართი____) დაურიგდებათ ისეთ მოსწავლეთა წყვილებს რომლებსაც შეუძლიათ თვალსაჩინოების გამოყენებით შეასრულონ დავალება.  

დანართი____ არასაკმარისი მზაობის მოსწავლეები იყენებენ თვალსაჩინოების საშუალებებს, საჭიროების მიხედვით მათ ეხმარება   მასწავლებელი. ამ ჯგუფს ეძლევა უფრო სტრუქტურირებული დავალება:რამდენი ათეულია პირველ შესაკრებში?რამდენი ერთეულია? მეორე შესაკრებში გვაქვს ათეულიც და ერთეული ? როგორ მოვიქცეთ ასეთ შემთხვევაში?

        

მოსწავლეებს, რომლებიც სხვაზე ადრე დაასრულებენ სამუშაოს, ვთავაზობ დავალებას: იხილეთ დანართი ___.

შემდეგ წყვილები აკეთებენ კლასში შესრულებული სამუშაოს პრეზენტაციას მთელი კლასის წინაშე. მასწავლებელი შეახსენებს კლასს შეფასების კრიტერიუმებს. ხდება პრეზენტატორი მოსწავლეების მიერ წარმოდგენილი ნამუშევრების შეფასება მოსწავლეების მიერ.

მოსწავლეები აკეთებენ ნამუშევრების პრეზენტაციას და განხილვას. მასწავლებლი აკვირდება შერჩეულ მოსწავლეებს, სკაფოლდინგით უწევს დახმარებას ყველა წყვილის  წევრებს გაუგებრობის შემთხვევაში.

ბოლოს მოსწავლეები ჩამოაყალიბებენ დასკვნას, დაადგენენ : რიცხვები უნდა შევკრიბოთ თანრიგების მიხედვით>ერთეულებს დავუმატოთ ერთეულები ,ათეული უცვლელი სახით გადავიტანოთ(ასეთი შემთხვევის დროს) .

III შემდეგ (დრო 10 წთ )-

აქტივობის მიზანია მოსწავლეებმა გაიმტკიცონ ცოდნა და შეძლონ  მის გამოყენება.

დაფაზე გამოვაკრავ ფორმატზე დახაზულ ცხრილს და მოსწავლეები რიგრიგობით შეავსებენ მას.

შესაკრები	23	71	35	67	44	51	26	92	77
შესაკრები	5	7	4	1	3	8	3	5	4
ჯამი

შემდეგ  კლასს ვაძლევ საშინაო დავალებას (იხ. დანართი ).

შეფასება: როგორ დააკვირდებით მოსწავლეთა სწავლის პროცესს და შედეგებს? რის მიხედვით იმსჯელებთ მათ მიღწევებზე?
	მოსწავლის სახელი        ანგარიშისას იყენებს ბიჯით თვლას, ან სხვა ხერხს(მაგ.რიცხვით ღერძს,კიბეს). ანგარიშისას იყენებს ბიჯით თვლას მაგრამ  ვერ ახეხხებს სხვა ხერხის გამოყენებას მასწავლებლის მითითების გარეშე ანგარიშისას  ვერ იყენებს ბიჯით თვლას, ან სხვა ხერხს,თუმცა ანგარიშობს მათემატიკური მანიპულატივების გამოყენებით             დასკვნა /მონაცემთა შეჯამება: 1 2 3 4 5 6 7 რეკომენდაციები მომდევნო ნაბიჯების შესახებ: დამატებითი რესურსი:

 კლასი-მეორე

სასწავლო საკითხი-გაორმაგება

საჭირო დრო-45წთ

მიზანი-მოსწავლეს შეეძლოს გაორმაგების მოქმედების დემოსტრირება,რაოდენობის გაორმაგების დაკავშირება ტოლი რიცხვების შეკრებასთან.

ეროვნული სასწავლო გეგმის შედეგი:

მათ. II.3. მოსწავლეს შეუძლია განახევრება-გაორმაგების მოქმედებების შესრულება და მათი დაკავშირება შეკრება-გამოკლებასთან და ერთმანეთთან.

•        ახდენს გაორმაგების მოქმედების დემონსტრირებას საგანთა მოცემული რაოდენობის ჯგუფისთვის იგივე რაოდენობის ჯგუფის დამატებით;

•        აორმაგებს რიცხვებს 10-ის ფარგლებში, აგრეთვე სრულ 10-ეულებსა და 20-ეულებს; აკავშირებს ამ მოქმედებას შესაბამისი ბიჯით თვლასთან

🔺🔺🔺 🔺🔺🔺

საჭირო მასალა

კუბები,დაფა, ცარცი, მსგავსი აქტივობების ბარათები 

, ბარათები რიცხვების გამოსახულებით,

 საჭირო წინარე ცოდნა

შეუძლია რიცხვების, რაოდენობების და თვლის ერთმანეთთან დაკავშირება,რიცხვების შეკრება,შეუძლია ბიჯით .

აქვს რიცხვების შეკრების უნარ-ჩვევები განვითარებული.

შეფასება

საკლასო სამუშაო-მიმდინარე/განმავითარებელი-(დაკვირვებას ვახდენ იმ მოსწავლეებზე ვისაც უჭირს შეკრება -გამოკლება,ვაწარმოებ განმავითარებელი შეფასებისათვის ცხრილს(რუბრიკას)

	მოსწავლის სახელი გვარი
გააზრებულად და ზუსტად ასრულებს დავალებას
ჩანაწერში უშვებს შეცდომებს,ზოგჯერ გაორმაგების დემოსტრირებას სწორედ ვერ ასრულებს
გაორმაგების დემოსტრირებას სწორედ ვერ ასრულებს,ახდენს გაორმაგების ჩაწერას შეკრების სახით.

მოსწავლეთა მუშაობის ფორმა-მთელი კლასი,ინდივიდუალური.

აქტივობა.1.მოსწავლეებს ვთხოვ დათვალონ 2-ის,3-ის ,4-ის და ა.შ. ტოლი ბიჯით გარკვეული რიცხვიდან  რიცხვამდე.(ვააქტიურებ რიცხვიდან რიცხვამდე ბიჯით თვლის და შეკრების უნარს).(5წთ)

აქტივობა.2.

ვიწყებ გაორმაგების მოქმედების დემოსტრირებას საგანთა გაროვების გამოყენებით.

ვიღებ რამდენიმე საგანს ,შემდეგ ვთხოვ ერთ-ერთ მოსწავლეს დაუმატოს ამ საგნების გროვას ამდენივე. ვსვამ კითხვას მაშასადამე რამდენი უნდა დავამატოთ?( მაგალითად:4 კუბურას დავუმატეთ 4კუბურა)

-ამ შემთხვევაში ვამბობთ რომ გავაორმაგეთ,მოცემული საგნების რაოდენობა. შემდეგ ვწერთ ამ გაორმაგებას რიცხვების შეკრების სახით(მაგ.4+4=8 ვაკეთებთ ჩანახატს დაფაზე)

 

 

ამის შემდეგ განვიხილავთ კიდევ ერთ მაგალითს საგნების გამოყენებით(მაგ:გავაორმაგებთ 5 კუბურას) 15წთ

აქტივობა.3. მოსწავლეებს დავურიგებ   ბარათს ერთი რომელიმე რიცხვების გამოსახულებით(რიცხვები 1-დან 10-მდე),კუბურებს,ფურცლებს და ვთხოვ მოცემული რიცხვის შესაბამისი საგანთა(კუბების) რაოდენობა გააორმაგოს და  ჩაწეროს  შეკრების სახით,სურვილის შემთხვევაში მოახდინოს ჩანახატის გაკეთებაც.

დიფერენცია: შედარებით სუსტ მოსწავლეებს ვთხოვ შეასრულონ მხოლოდ მოცემული რიცხვის შესაბამისი საგანთა გროვის გაორმაგება.

p.s.გზადაგზა ვახდენ  მოსწავლეთა დაკვირვებას და შეფასების რუბრიკის

შევსებას.

საშინაო დავალებად მაღალი   მზაობის მოსწავლეებს ვაძლევ დავალებად:

1.გააორმაგე ოდენობა:

ხოლო,ნაკლები მზაობის მოსწავლეებს დავალებად ვაძლევ გაორმაგების ცხრილს.

შემდგენელი: თამარ დემურაშვილი
საგანი: ქართული ენა და ლიტერატურა	კლასი: II
თემა: ლელა ქისტაური „ციკლოპი და სათვალე“	დრო: 45წთ
გაკვეთილის ამოცანები/სწავლის შედეგები (ცოდნა, უნარ-ჩვევები, დამოკიდებულებები) მოსწავლეები     შეძლებენ  ტექსტის გაგება-გააზრებასა ;     გაეცნობიან ახალ ლექსიკურ ერთეულებს: ციკლოპი,პლაჟი,მოწკურა ,კუნძული,კეპი     შეძლებენ პერსონაჟების ძირითადი თვისებების გამოკვეთას, მათ დახასიათებას; შეძლებენ ტექსტის გააზრებას,ახალ  ლექსიკური ერთეულებით წინადადების შედგენას.
ეროვნული სასწავლო გეგმის სტანდარტი: ქართ. II. 2. მოსწავლეს შეუძლია  მოისმინოს და გაიგოს ნაცნობ თემებზე შექმნილი მცირე ზომის სხვადასხვა სახის ტექსტები და გამოხატოს თავისი დამოკიდებულება. ქართ. II. 9. მოსწავლეს შეუძლია კითხვის მარტივი სტრატეგიის გამოყენება. ქართ. II. 11. მოსწავლეს შეუძლია მცირე ზომის ტექსტის შექმნა, მარტივი ლექსიკური ერთეულების გამოყენებით.
მოსწავლეთა დაჯგუფების ფორმები:     მასწავლებელი მუშაობს მთელ კლასთან,     მოსწავლეები მუშაობენ ინდივიდუალურად,     მოსწავლეები მუშაობენ წყვილებში;    დაჯგუფების კრიტერიუმები: ჯგუფი ა) კარგი მკითხველები (ინდივიდუალური მუშაობა) ჯგუფი ბ) საშუალო მკითხველები (წყვილებში მუშაობა) ჯგუფი გ) პრობლემური მკითხველები (ერთობლივი მუშაობა მასწავლებლის დახმარებით)

გაკვეთილზე გამოყენებული მეთოდები/სტრატეგიები/აქტივობები:     ვარაუდების გამოთქმა;      წინადადებები შედგენა ახალი ლექსიკური ერტეულის გამოყენებით ;     ერთობლივი კითხვის ვარიაციები;     კითხვებზე პასუხის გაცემა(წერა);      აუდიო ჩანაწერის მოსმენა;                    ტექსტის კითხვა აუდიო ჩანაწერთან ერთად            ვარაუდების გადამოწმება .

სასწავლო მასალა და რესურსები (ტექსტი, თვალსაჩინოება, მულტიმედია, ინტერნეტრესურსი და სხვ.):     ტექსტები: „ციკლოპი და სათვალე“     ილუსტრაციები     აუდიო ჩანაწერი,ბუკი.  შეფასება  : მიმდინარე განმავითარებელი/საკლასო სამუშაო(ტექსტის გაგება -გააზრება) იხილეთ დანართი 1. მოსწავლის სახელი ,გვარი ისმენს და კარგად იგებს ტექსტს,სცემს კითხვებზე პასუხს ისმენს და ნაწილობრივ იგებს ტექსტს, ისმენს და ცუდად იაზრებს ტექსტში მოთხრობილ ამბას,უჭირს კითხვებზე პასუხის გაცემა

გაკვეთილის მსვლელობა

I ფაზა - წაკითხვამდე აქტივობა 1  დაფაზე გამოვაკრავ სიტყვას -ციკლოპი და შევეკითხები რა იციან ციკლოპის შესახებ( შემდეგ გამოვაკრავ მინიონის სურათს).  აქტივობა2 უცხო ლექსიკურ ერთეულებზე მუშაობა(პლაჟი,კეპი,ციკლოპი,მოწკურა,კუნძული),შევადგენთ ამ სიტყვების გამოყენებით წინადადებებს. მეორე ფაზა აქტივობა.3 ვასმენინებ აუდიო ჩანაწერს ,მოსწავლლები თვალს ადევნებენ ტექსტს აქტივობა4  ტექსტს კითხულობენ მოსწავლეები ჩანაწერთან ერთად. აქტივობა5. მოსწავლეებს ვანაწილებ წყვილებში და ვურიგებ მათ სხვადასხვა კითხვას. ვთხოვ მოძებნონ ტექსტში  შესაბამისი აბზაცი  და გასცენ პასუხი,  ჩაწერონ დარიგებულ ფურცლებზე. მესამე ფაზა      აქტივობა .6   გადავამოწმებთ ვარაუდებს .    აქტივობა.7 კითხვებს ვსვამ ტექსტის ირგვლივ.    აქტივობა.8 ვაჯამებ და ვაძლევ დავალებას: დავალება: დაწერე     შენ რას ურჩევ ციკლოპს, როგორ მოიქცეს? --------------------------------------------------------------------------------------------------------------------------------------------------------------------------------------------

საგანი	ქართული
კლასი	პირველი
თემა	ასო-ბგერა „ვ“-შესწავლა(მეორე გაკვეთილი)
მოსწავლეთა რაოდენობა	14 მოსწავლე
დრო	35წუთი
მიზანი	მოსწავლემ  შეძლოს მოისმინოს და გაიგოს ნაცნობ თემატიკაზე შექმნილი ტექსტი,წაიკითხოს მარტივი წინადადებებით  შედგენილ მცირე  ზომის  ტექსტები, გამოუმუშავდეს ფონოლოგიური უნარ-ჩვევები,შეძლოს წერილობითი კოდის გაშიფვრა.(გაშიფვრა – გრაფიკული ხატის აკუსტიკურ ხატად კონვერტირება, ანუ ასოების ამოცნობა და მათი დაკავშირება შესაბამის ბგერებთან;  ბგერების სიტყვად გამთლიანება, აკუსტიკური ხატის სიტყვის მნიშვნელობასთან დაკავშირება.)
ეროვნული სასწავლო გეგმის სტანდარტი	ქართ. I. 4. მოსწავლეს შეუძლია მოისმინოს და გაიგოს ნაცნობ თემატიკაზე შექმნილი მცირე ზომის ტექსტები და გამოხატოს თავისი დამოკიდებულება. ·         სვამს / პასუხობს შეკითხვებს მოსმენილ ტექსტთან დაკავშირებით; ·         ამოიცნობს პერსონაჟის ემოციურ მდგომარეობას (მხიარული, მოწყენილი, გაკვირვებული და ა. შ.); ·         მონაწილეობს პერსონაჟის ჯგუფურ დახასიათებაში; ქართ. I. 5.  მოსწავლეს გამომუშავებული აქვს ფონოლოგიური  უნარ-ჩვევები. ·         მასწავლებლის მიერ ჩამოთვლილ სიტყვებში ან სურათებზე ამოიცნობს იმ სიტყვებს, რომლებიც შეიცავს წინასწარ მითითებულ ბგერას/ზეპირ მარცვალს; ·         სიტყვის სათანადო მარცვალში პოულობს ბგერის ადგილმდებარეობას (მარცვლის დასაწყისში, შუაში, ბოლოში). ქართ. I. 7. მოსწავლეს შეუძლია წერილობითი კოდის გაშიფვრა.[1] შედეგი თვალსაჩინოა, თუ მოსწავლე: ·         აკავშირებს ასოებს ბგერებთან და ამთლიანებს მათ მარცვლებად, სიტყვებად (წარმოთქვამს სიტყვებს); ·         სიტყვათა ჩამონათვალში პოულობს მითითებულ სიტყვას; ·         ხმამაღლა (მთლიანი სიტყვებით ან დამარცვლით) კითხულობს მარტივი წინადადებებით შედგენილ მცირე  ზომის  ტექსტებს; ქართ. I. 6. მოსწავლეს შეუძლია ანბანური პრინციპის გაგება და გამოყენება. შედეგი თვალსაჩინოა, თუ მოსწავლე: ·         თავისუფლად ცნობს ხშირად გამოყენებული  სიტყვის ორთოგრაფიულ ხატს[2]; ·         ადარებს სხვადასხვა სიტყვის ორთოგრაფიულ ხატებს, პოულობს საერთო მარცვლებს, ასოებს; ·         ნაცნობ სიტყვებში ცნობს და წარმოთქვამს ასოებს; ·         სიტყვათა ჩამონათვალში პოულობს წინასწარ მითითებულ ასოს, მარცვალს; ·         ასოებს ამთლიანებს მარცვლებად, მარცვლებს - სიტყვებად; ·         სიტყვებში გამოყოფს და წარმოთქვამს მარცვლებს, მარცვლებში – ასოებს;
მოსწავლეთა ორგანიზება	ინდივიდუალური,  წყვილები,ჯგუფები
რესურსები:	საკითხავი წიგნი „ვეფხვი ვენდი“(ნაბეჭდი და ელ.ვერსია),სიტყვის ბარათები, სათამაშო ვეფხვი,ვეფხვის გამოსახულებიანი  სურათი,აქტივობის ბარათები.დიახ/არა ბარათები
გამოყენებული მეთოდები და აქტივობები:	·        საუბარი  ნაწარმოების  ირგვლივ(„ვეფხვი  ვენდი“) ·        ერთობლივი კითხვა ·        ფონოლოგიური სავარჯიშოები ·        სიტყვის ბარათების წაკითხვა ·        საჩვენებელი წერა ·        ერთობლივი წერა ·        აქტივობა „მასწავლებელი კალამი“
შეფასება	საკლასო სამუშაო-ტექსტზე  მუშაობა(განმავითარებელი);
გაკვეთილის ფაზები	Iფაზა-„მთელი“	IIფაზა-„ნაწილები“	IIIფაზა-„მთელი“
	გაკვეთილილს ვიწყებთ cnobismoyvareobisa da interesis gaRvivebით.(ვავსებთ სქემას გონებრივი იერიშის გამოყენებით)  ვუსვამ შეკითხვებს ნაწარმოების ირგვლივ(„ვეფხვი ვენდი“),ვსაუბრობთ პერსონაჟებზე  ,მათ განწყობაზე და გარეგნობაზე, დაფაზე ვწერ მათ მიერ მოფიქრებულ ტექსტს :”ვის შეუძლია დაეხმაროს ვენდი”(აქტივობა „მასწავლებელი კალამი“)	ვმუშაობთ ტექსტში შემავალ წინადადებებზე, სიტყვებზე,მარცვლებზე,ბგერებზე. მოსწავლეებს ვურიგებ თაბახის ფურცლებზე დაბეჭდილ ტექსტს („ვეფხვი ვენდი“) და ვთხოვ მათ ამომიკითხონ სიტყვები რომელიც ვ-ასო-ბგერაზე იწყება,რომელ სიტყვაშიც გვაქვს 2 ასო-ბგერა: „ვ“, შემდეგ გამოდიან დაფასთან და  ვანაწილებთ  წინასწარ ტექსტიდან ამობეჭდილ სიტყვებს იმის მიხედვით ცხრილში რამდენი ასო-ბგერაა „ვ“ სიტყვაში. ორი-„ვ“ ერთი-„ვ ვეფხვი ვენდი ბოკვერი ვანათებ ვჩანვარ ვგავარ ვნერვიულობ	ერთობლივად ვკითხულობთ ელექტრონულ ვერსიას წიგნისას „ვეფხვი ვენდი“  და მოსწავლეების  მიერ მოფიქრებულ ტექსტს(„ვის დაეხმაროს ვენდი“)  . შემდეგ ვაკითხებ  გარკვეული ნიშნის მიხედვით შედგენილ ჯგუფს (მაგ.კითხულობს ის ვისაც ბანანი უყვარს,ვისაც ცისფერი თვალები აქვს.) ვაძლებ დავალებას ვურიგებ აქტივობების ბარათს სადაც არის ასეთი დავალება :დაახასიათონ პერსონაჟები-ვეფხვი ვენდი  და მთვარე. ვაჯამებთ გაკვეთილს.

---

[2]

კლასი-მე-4

საგანი:ქართული

თემა: ვაჟა ფშაველას  ლექსი-„ის კი არ არის ბიჭობა“

მიზანი:მოსწავლემ შეძლოს მხატრული ტექსტის წაკითხვა და გაგება;

ტექსტის დედააზრის გაგება;საუბარი საკუთარ გამოცდილებაზე;

თვითშეფასების და სხვათა შეფასების უნარის განვითარება;

საკუთარი მოსაზრების წერილობით გადმოცემა

სტანდარტი: შედეგი-6,2,8

შეფასება: ტექსტზე მუშაობა-მიმდინარე/განმავითარებელი,ჯგუფური მუშაობა-მიმდინარე/განმსაზღვრელი.

მეთოდი-გონებრივი იერიში,დისკუსია, მარკირება,ჯგუფური,ტექსტზე მუშაობა;

რესურსი-სახელმძღვანელო,თაბახის ფურცლები,პროექტორი,ბუქი,სლაიდები თემასთან დაკავშირებული,აუდიო ჩანაწერი,კალამი,

მოსწავლეთა ორგანიზება:ინდივიდუალური,ჯგუფური

დროის ორგანიზება: I ეტაპი-15წუთი,მეორე ეტაპი-30, მესამე ეტაპი-20წუთი .

  

გაკვეთილის მსვლელობა

პირველი ეტაპი(15წთ)-მოსწავლეებს ვთხოვ წარმოადგინონ საკუთარი ნამუშევრები ,რომლიც ჰქონდათ საშინაო დავალებად ( ვაჟა-ფშაველას ნაწარმოების ილუსტრაციები ან ნაწარმოების მოკლე შინაარსი რომელიც განსაკუთრებულად მოეწონათ)

გონებრივი იერიშის გამოყენებით გავარკვევთ კიდევ რომელი  ნაწარმოები იციან ვაჟა -ფშაველას  დაწერილი.

მეორე ეტაპი(30წთ)-მოსწავლეებს ვანახებ პროექტორის საშუალებით

სლაიდ შოუს თემაზე:ვაჟა ფშაველა.

სლაიდ შოუს შემდეგ მოვასმენინებ ვაჟა -ფშაველას ლექსის“ის კი არ არის ბიჭობის „ აუდიო ჩანაწერს.შემდეგ ვთხოვ მოსწავლეებს გააკეთონ მოცემულ ლექსში უცხო სიტყვების მარკირება,სიტყვების განხილვის შემდეგ მოსწავლებს ვთხოვ წაიკითხონ  სტროფები ნაწილ -ნაწილ და ვიწყებთ ტექსტის გააზრებაზე მუშაობას.

ვმუშაობთ ტექსტის ბოლოს მოცემულ ანდაზების  განხილვაზე.

ამის შემდეგ ვადგენ ბიჭებისა და გოგოების ჯგუფებს და ვთხოვ მათ ჩამოწერონ,როგორ ბიჭებს სცემენ პატივს.

მესამე ეტაპი-20წთ

შემდეგ ვაკეთებთ პრეზენტაციას და ვმართავთ დისკუსიას

აღნიშნულ თემის ირგვლივ.

დისკუსის შემდეგ  ვაჯამებთ გაკვეთილს და ვაძლევ საშინაო დავალებას :ვაჟა-ფშაველას ლექსი „ის კი არ არის ბიჭობა“_ზეპირად  ;ესეს თემაზე „რა არის კარგი ბიჭობა...“